नेपाली सिनेमा क्षेत्रका लागि नायिका तथा निर्मात्री उमा बेबी कुनै नौलो नाम होइन । सिरियल हुदै नेपाली सिनेमामा प्रवेश गरेकी उमा निरन्तर सिनेमा बनाउने बताउछिन् । भोजपुरी, बंगाली सिनेमामा समते अभिनय गरिसकेकी उमाले बनाएको चलचित्र ईशारा कात्तिक १७ गतेबाट रिलिजमा आउदैछ । नायिका तथा निर्मात्री उमा बेबीसँग गरेको कुराकानी :
कस्तो चल्दैछ जिन्दगी ?
चलिरहेको छ ईशारा गर्दै हा.हा…………… ।
सिनेमा बनाएर नायिका बन्न आउनु भएको कि नायिका बन्दै सिनेमा बनाउने सोचका साथ आउनु भएको ?
म शुरुवातमा नायिका हुँ । माया गर्छु तिमिलाइ, जुनेली, देशदेखि विदेश, मेरो एउटा साथी छ, माझी मामा, तोड, सपथ लगायतका सिनेमामा मैले अभिनय गरेको छु । यस्तै थुप्रै भोजपुरी र बंगाली सिनेमा समेत मैले खेलेको छु । सिनेमालाई बुझ्दै म निर्मात्री भएको हो ।
कत्तिको गाह्रो छ महिलाहरुलाई सिनेमा बनाउन र रिलिज गर्नका लागि ?
सिनेमा बनाउनु भन्दा पनि रिलिज गर्नका लागि गाह्रो छ, यहाँ । अर्कोतिर सिनेमाको प्रतिस्पर्धा यतिधेरै छ कि के भन्ने । दर्शकको रोजाई पनि बुझ्न नसकिने छ ।
सिनेमा बनाउने सोच कसरी आयो ?
म सानैदेखि सिनेमा क्षेत्रमा नै लागेकाले निर्माण गर्ने योजना पनि थियो । मेरो गुरु तुलसी घिमिरेसँग मैले सिनेमा बनाउने बिषयमा कुरा गरेको थिएँ । योजना बनाएरै मैले सिनेमा निर्माणमा हात हालेको हो ।
आफैंले बनाएका सिनेमामा आफैं खेल्नुको कारण अरुले नायिका नलिएर हो ?
मैले आफ्नो ईच्छाको लागि सिनेमा बनाएको हो । फेरि मैले बनाएको सिनेमामा म नै सुहाउँछु भने अरुलाई किन लिनु, होईन र ? यसैले म आफैँ खेल्ने निर्णय गरे ।
ईशारा कस्तो सिनेमा हो ?
यो चलचित्र नारी प्रधान छ । छोरीमाथि हुने हिंसा, बलात्कार आदिलाई सिनेमाले उठान गर्न खोजेको छ । पछिल्लो समयमा बढेको मोवाईल प्रविधिले युवायुवती माझ विकृति बढेको छ ।
सिनेमा क्षेत्रबाट अस्ताएका नायकहरु लिनुको कारण ?
मलाई नायकद्वय भुपेन चन्द र उत्तम प्रधान अस्ताएका नायक हुन जस्तो लाग्दैन । उनीहरु कुनै समयका हिट नायक हुन् । यसैले उनीहरु पुनः ईशारा मार्फत नेपाली सिनेमामा आएका छन् ।
अब सिनेमा बनाउने सोच छ कि छैन ?
म निरन्तर सिनेमा बनाउँछु । ईशारा रिलिज भए लगतै अर्को सिनेमा बनाउने सोच मेरो छ ।
महिलाहरुलाई त यहाँ टिक्न साह्रै गाह्रो हुन्छ भन्छन्, तपाईलाई कत्तिको गाह्रो भएको छ ?
म सबैसँग मिसिन चाहन्न । मलाई कसैले सिनेमा खेलाईदिन्छु, कफी खान आऊ, भेट्न आऊ भन्दैमा जाँदिन । सिनेमामा रहेको भूमिका तपाईंकै लागि हो भनेर कसैले भन्यो भने मात्र म अभिनय गर्न राजी हुन्छु । सिनेमाको उपत्यका बाहिरको रिलिजको जिम्मा मेरो दाईले लिनुभएको छ । म काठमाडौंभित्र मात्र हेर्दैछु । यसैले मैले कुनै अप्ठ्यारो भोगेको छैन ।
कसरी बुझ्नु भयो नेपाली चलचित्रलाई ?
नेपाली चलचित्र पहिलो कुरा त बिदेशी सिनेमाको अतिक्रमणले हैरानी व्यहोर्न वाध्य छ । यहा सिनेमा नै चलिरहेका छैनन् । मार्केटिङ पनि खासै राम्रोसँग भएको पाइन मैले ।
एकछिन तपाईको व्यक्तिगत कुरा गरौं न, के मिठो पकाउनुहुन्छ ?
खसीको मासु एकदमै मिठो पकाउँछु । पराठा पनि मिठो नै पकाउँछु ।
कस्तो पहिरनमा आफु खुबै सेक्सी देखिन्छु जस्तो लाग्यो ?
मलाई सारी लगाउँदा सबैले सेक्सी भन्छन् ।
आफ्नो कुन अंगले युवकहरुलाई आकर्षण गर्छ जस्तो लाग्छ ?
आँखाले जस्तो लाग्छ । धेरैले मलाई तपाईको आँखा नशालु छ भन्छन् । मलाई आफू एकदमै राम्री छु जस्तो लाग्दैन । तर म नराम्री पनि होईन ।
पहिलो प्रेम याद छ ?
किन याद नहुनु । फेरि पहिलो प्रेम कसले बिर्सन सक्छ र ? म स्कूल पढ्दा एकजना कलेज पढ्ने युवकसँग माया बसेको थियो । डेटमा गईन्थ्यो, चकलेट खाईन्थ्यो । तर हाम्रो प्रेम ६ महिना भन्दा बढी टिकेन । यसपछि पनि जीवनमा केही युवकहरु आए । तर गहिरो प्रेम भने भएन ।
पहिलो चुम्बन कहिले भयो ?
मैले चुम्बनको अनुभव पनि मेरो पहिलो प्रेमीसँग नै गरें ।
नेपालको कुन कलाकारले तपाईलाई आकर्षण गर्छ ?
मेरो आँखाले त्यस्तो कोही पनि देखेको छैन । भुवन के.सी.को हँसाई र मुस्कान भने खुवै मनपर्छ ।
तपाईलाई डेटमा जान मन लाग्ने कुनै सेलिब्रेटी छ ?
त्यस्तो नजरले कोहीप्रति मन आकषिर्त भएको छैन ।
नेपालमा आफ्नो पर्सानालिटी मेन्टेन गर्ने नायक को लाग्छ ?
राजेश हमाल नै लाग्छ ।
राजेश हमालले डेटमा जान अफर गर्नु भयो भने ?
कफी खानका लागि भने म जान्छु ।
आफ्नो शरीर कहिलेकाहीँ ऐनामा नाङ्गै हेर्दा कस्तो लाग्छ ?
म कुनै किसिमका योगा अभ्यास गर्दिन । तर पनि मेरो शरिर सुन्दर छ । न म क्लब जान्छु, न म डाईटिङ नै गर्छु । तर पनि म सधैं उस्तै छु । मलाई मेरो शरीर भगवानले उपहार दिए जस्तो लाग्छ । आफ्नो ज्यान एकदमै सेक्सी लाग्छ मलाई ।
चलचित्र ईशारा दर्शकले सय रुपैंयाको टिकट काटेर किन हेर्न जाने ?
सबैभन्दा पहिला हामीले ईशारा गरेका छौं । मलाई लाग्छ हाम्रो ईशारा दर्शकले वुझेर हलसम्म जानुहुन्छ ।
0 comments:
Post a Comment